Rus in vrede, Mike

Ek ken Mike Schussler al van 2012 af toe ek vir die eerste keer by Monitor en Spektrum onderhoude met hom gedoen het. Ons het oor die jare goed bevriend geraak en 'n slag of wat saam gekuier. Ek het hom leer ken as 'n kundige mens wie se geselskap ek enorm baie geniet het. Sy laaste onderhoud met Nuuspod op 25 Januarie het een van ons gewildste bydraes geword. Nuuspod plaas die onderhoud as 'n huldeblyk aan 'n grootse mens vir wie ek die grootste respek gehad het. Groetnis, Mike. Ons gaan jou mis.