Putfonteinwegmoorde: Ma's praat oor hul pyn

Byna drie jaar nadat Johanco Fleischman en Jess Kuhn koelbloedig by Putfonteinweg in Benoni doodgeskiet is, is hul moordenaars lewenslank tronk toe gestuur. Malosi Gift Shima en Ishmael Hlabati is gister in die Benoni landdroshof elkeen tot twee keer lewenslank gevonnis vir die moorde nadat hulle verlede week van moord met voorbedagte rade skuldig bevind is. Landdros Ian Cox het tydens vonnisoplegging gesê die genadelose wyse waarop Johanco en Jess vermoor is, is onvergeeflik. Marika Fleischman, ma van Johanco en Johanna Kuhn, ma van Jess het ingestem om met Stroomop te praat. Ek het aan Marika gevra wat haar eerste gewaarwording was na die vonnisoplegging en Johanna Kuhn sê die laaste byna drie jaar was hel vir haar en haar gesin.