Is dit die einde van die Dollar?

In een van sy artikels gister vra Mail and Guardian of die einde van die Dollar as leidende geldeenheid dalk aangebreek het. Dit na aanleiding van Rusland se inval in Ukraine. Selfs met die vredessamesprekings onlangs in Turkye en die 15punt vredesplan soos deur Financial Times berig, lyk dit of die Dollar spoed verloor. Om beslag te lê op Rusland se fondse hou in dat vertroue in Amerika as die wereld se bankier en in die Dollar as die globale reserwe geldeenheid, geskaad word. Al hoe meer vrae ontstaan hieroor. Ek het vir Dawie Roodt nadergetrek om die vraag te beantwoord en op die koop toe ‘n lekker gesprek oor geld gekry.